Беларускую зборную па цяжкай атлетыцы могуць адхіліць ад чэмпіянату свету
Зборную Беларусі па цяжкай атлетыцы могуць адхіліць ад чэмпіянату свету 2017 года. Прычына — шматлікія допінгавыя парушэнні на Алімпійскіх гульнях, піша "Прессбол" са спасылкай на insidethegames.biz.
Акрамя нашай каманды прэтэндэнтамі на ахіленне названыя зборныя яшчэ васьмі краінаў — Расія, Кітай, Казахстан, Арменія, Азербайджан, Малдова, Украіна і Турцыя.
Чэмпіянат свету па цяжкай атлетыцы-2017 пройдзе напрыканцы лістапада — на пачатку снежня ў Анахайме (ЗША).
