Беларускія памежнікі не ставяць блокпасты на мяжы з Украінай
Распаўсюджаныя ў інтэрнэце звесткі, быццам беларускія памежнікі арганізавалі блокпасты на мяжы з Украінай, не адпавядаюць рэчаіснасці.
Аб гэтым агенцтву БЕЛТА заявіў прэс сакратар Дзяржаўнага памежнага камітэта Аляксандр Цішчанка.
Па яго словах, гэта альбо інфармацыйная правакацыя, альбо некампетэнтная падача інфармацыі. Цішчанка адзначыў, што 20 красавіка органы памежнай службы перайшлі на ўзмоцнены рэжым у сувязі з правядзеннем чэмпіянату свету па хакеі і гэта звычайная практыка. Тое ж самае адбывалася перад Алімпіядай у Сочы, а таксама перад чэмпіянатам па футболе, які праходзіў ва Украіне ў 2012 годзе.
Фота — ctv.by
