Беларускі амбасадар: пазіцыя Масквы па энерганосьбітах супярэчыць інтэграцыі

Беларускі амбасадар: пазіцыя Масквы па энерганосьбітах супярэчыць інтэграцыі

Пазіцыя Расіі па коштах на нафту і газ для Беларусі выклікае пытанні ў мэтазгоднасці інтэграцыі. Пра гэта 4 чэрвеня заявіў амбасадар Беларусі ў Маскве Уладзімір Сямашка.

Заява прагучала на экспертнай сесіі "Расія і Беларусь: будучыня пасля пандэміі". Мерапрыемства адбылося ў фармаце відэаканферэнцыі.

Сямашка падкрэсліў, што на адзіным рынку Саюзнай дзяржавы кошты на энерганосьбіты павінны быць супастаўнымі. Падатковы манеўр, які Расія правяла ў нафтавай галіне, істотна пагоршыў справы беларускага нафтахімічнага комплексу. Па словах дыпламата, на расійскім рынку існуе дыскрымінацыя беларускіх вытворцаў, у кошты на газ для Беларусі істотна адрозніваюцца ад коштаў для Расіі. Згадаў ён і нядаўнюю забарону на ўвоз нафтапрадуктаў у Расію, а таксама перыядычныя "гандлёвыя войны" — цукровыя, малочныя, мясныя ды іншыя. "Узнікае пытанне: а ў чым тады палягае інтэграцыя?"цытуе яго абурэнне прэс-служба амбасады.

Сямашка заявіў, што Беларусь не патрабуе прэферэнцыяў, а настойвае на роўных умовах гаспадарчай дзейнасці. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі