Беларуса затрымалі на мяжы з РФ і асудзілі на паўтара года зняволення
![Руслан Казакевіч быў затрыманы на мяжы з Расіяй](/sites/default/files/styles/gallery_main/public/2023-11/df8395c33d50be414e25c7d5bb6d392d.jpg.webp?itok=779OEcPN)
Руслан Казакевіч быў затрыманы на мяжы з Расіяй / sb.by
Беларуса затрымалі на мяжы з РФ і асудзілі на паўтара года калоніі агульнага рэжыму. 28-гадовага Руслана Казакевіча прызналі вінаватым у "арганізацыі і падрыхтоўцы дзеянняў, якія груба парушаюць грамадскі парадак". Яго справу яшчэ ў верасні разглядаў суд Добруша і Добрушскага раёна (суддзя — Святлана Лук'янава), паведамляюць праваабаронцы.
Казакевіча судзілі за каментар у тг-канале, які нібыта схіляў людзей да ўдзелу ў вулічных маршах. Мужчына прызнаў віну. Ён распавёў, што сапраўды размясціў каментар "пад уплывам эмоцый", бо чытаў каментары іншых карыстальнікаў на тг-канале. Таксама ён адзначыў, што аднойчы сам выходзіў на акцыю пратэсту.
Вядома, што Руслан Казакевіч быў затрыманы на мяжы з Расіяй. Але калі гэта адбылося і абставіны затрыманныя пакуль невядомыя. Да затрымання мужчына працаваў тэхнікам-механікам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.