Беларусь зможа пастаўляць у Расію прадукцыю з імпартнай сыравіны
Пра гэта паведаміў прадстаўнік Беларусі ў Еўразійскай эканамічнай камісіі Сяргей Румас.
"Мы ўзялі на сябе абавязанні не дапускаць рээкспарту ў Расію тавараў, пастаўкі якіх туды забароненыя. Але гэта не распаўсюджваецца на беларускую прадукцыю, якая вырабленая на беларускіх прадпрыемствах з выкарыстаннем імпартнай сыравіны", — перадае interfax.by словы Румаса.
Ён паведаміў, што 15 жніўня плануецца правесці пасяджэнне Савета ЕЭК. На ім абмяркуюць сітуацыю, якая склалася пасля таго, як Расія забараніла ўвоз харчавання з цэлага шэрагу краін.
С. Румас дадаў, што Беларусь як чалец Мытнага саюза мае ўсе магчымасці для кантролю за недапушчэннем рээкспарту.
Фота — povarenok.ru
