Беларусь заняла 116-е месца ў Глабальным рэйтынгу міру
![Індэкс міралюбнасці](/sites/default/files/styles/gallery_main/public/2024-01/index-0301.png.webp?itok=8fRtNjNb)
Індэкс міралюбнасці / visionofhumanity.org
Па выніках 2023 года Беларусь у Глабальным рэйтынгу міру апынулася на 116-м месцы. Гэты рэйтынг складае Vision of humanity.
Узначальваюць гэты рэйтынг Ісландыя, Данія і Ірландыя.
Польшча займае 29-е месца, Украіна — 157-е, Расія — 158-е. Латвія размясцілася на 27-м месцы, Літва — на 36-м.
На апошнім, 163-м месцы ідзе Афганістан.
Некалькі гадоў таму Беларусь займала, напрыклад, 103-е месца ў гэтым спісе.
Аўтары даследавання ацэньваюць 163 краіны па 23 паказчыках. У іх ліку — палітычная стабільнасць, захаванне правоў чалавека, узровень злачыннасці, становішча зняволеных, доступ грамадзян да зброі, адносіны з суседнімі дзяржавамі ды іншыя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.