Беларусь спыніла супрацоўніцтва з Украінай у сферы аховы культурнай спадчыны
Сувязі Беларусі і Украіны згортваюцца / Ілюстрацыйнае фота Facebook
Беларусь спыніла супрацоўніцтва з Украінай у сферы аховы культурнай спадчыны. Адпаведную пастанову прыняў урад, яна ўжо апублікаваная на Нацыянальным прававым інтэрнэт-партале. Урад выказаў намер "не станавіцца ўдзельнікам пагаднення" з украінскім урадам. МЗС мусіць паведаміць пра рашэнне афіцыйнаму Кіеву.
Згаданае пагадненне Беларусь і Украіна падпісалі ў 2010-м.
Пасля 24 лютага 2022-га разнастайныя міжурадавыя дамовы з Беларуссю скасоўвала Украіна. Рабілася гэта з мэтай паскарэння згортвання эканамічных і фінансавых сувязяў з РБ як краінай-суагрэсарам.
