Беларусь хоча пастаўляць ежу і тэхніку ў Туніс: пакуль гандаль каля нуля

Беларусь зацікаўлена развіваць гандлёва-эканамічнае супрацоўніцтва з Тунісам. Прадаваць туды разлічваюць сельскагаспадарчую і грузавую тэхніку, а таксама харчаванне.

Пра гэта заявіў Лукашэнка, віншуючы прэзідэнта Туніса Каіса Саіда з Днём Незалежнасці.

— Мінск імкнецца развіваць і ўмацоўваць дружалюбныя адносіны з Тунісам, які мае ўнікальную гісторыю, старажытнае культурная спадчына і значны ўплыў у рэгіёне Паўночнай Афрыкі, — піша прэс-служба Лукашэнкі.

Ён даўно кажа пра неабходнасць гандлю з Афрыкай, аднак пакуль справа не лепіцца. Летась экспарт у Туніс склаў усяго $54,8 млн, паведамляе Белстат. Амаль уся гэтая сума — пастаўкі "паўфабрыкатаў з жалеза". Увесь экспарт Беларусі ў 2021 годзе дасягнуў $39,9 млрд.