Беларусь хоча пашырыць сваю прысутнасць у Спісе сусветнай спадчыны

У наступным годзе Беларусь падасць у ЮНЕСКА некалькі гісторыка-культурных каштоўнасцяў для ўключэння ў Спіс сусветнай спадчыны, піша газета "СБ — Беларусь сегодня". Пра гэта паведаміў начальнік упраўлення па ахове гісторыка-культурнай спадчыны Міністэрства культуры Ігар Чарняўскі.

Па словах чыноўніка, плануецца, што да 1 лютага ўсе дасье будуць гатовыя, а затым пададзеныя ў Цэнтр сусветнай спадчыны ЮНЕСКА. Сярод прапанаваных каштоўнасцяў — Спаса-Праабражэнская царква XII стагоддзя ў Полацку, традыцыя шапавальства ў Дрыбінскім раёне Магілёўшчыны, урачыстасці з нагоды ўшанавання абраза Маці Божай Будслаўскай.

Акрамя таго, плануецца ў красавіку працягнуць перамовы з Польшчай па падачы ў ЮНЕСКА дасье "Аўгустоўскі канал — твор чалавека і прыроды".

Фота — sb.by