Беларусь апублікавала перамовы пілотаў Ryanair з дыспетчарам
![Беларусь апублікавала перамовы пілотаў Ryanair з дыспетчарам](/sites/default/files/styles/gallery_main/public/2023-08/2021-05-23t190002z_17651462_rc2uln9ihgvu_rtrmadp_3_belarus-politics.jpg.webp?itok=qhWGAEaj)
Дэпартамент па авіяцыт апублікаваў раздрукоўку перамоваў паміж пілотамі самалёта Ryanair і беларускімі авіядыспетчарамі. З іх вынікае, што пасадзіць самалёт у Нацыянальным аэрапорце "Мінск" настойліва рэкамендаваў беларускі бок. Больш за тое: пілотам абвясцілі, быццам паведамленні пра бомбу на борце прыйшлі ў службы некалькіх міжнародных аэрапортаў.
Дыспетчар: У мэтах бяспекі мы рэкамендуем вам прызямліцца ў UMMS (маецца на ўвазе аэрапорт Мінска. — Еўрарадыё).
Пілот: Добра... гэта... зразумела... дайце нам новы курс, Калі ласка.
Пілот: Паведамленне пра бомбу... Само паведамленне адкуль прыйшло? Адкуль у вас інфармацыя пра гэта?
Дыспетчар: Служба бяспекі аэрапорта паведаміла, што атрымала электронны ліст.
Пілот: Вас зразумеў, служба бяспекі аэрапорта Вільні ці з Грэцыі?
Дыспетчар: Гэты ліст быў накіраваны ў некалькі аэрапортаў.
Пілот: Вас зразумеў.
/…/
Пілот: Зноў жа, гэтая рэкамендацыя аб перанакіраванні ў Мінск адкуль узялася? Ад каго яна прыйшла? Ад кампаніі? Яна зыходзіла ад кіраўніцтва аэрапорта вылету або аэрапорта прыбыцця?
Дыспетчар: Гэта нашы рэкамендацыі.
Раней беларускі бок сцвярджаў, быццам прыняць самалёт у Мінску прасілі Афіны і Вільня. Таксама звяртае ўвагу, што дыспетчар пераконвае пілотаў, быццам лісты з пагрозамі атрымалі "некалькі аэрапортаў".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.