БАЖ заклікае міжнародную супольнасьць абараніць беларускіх журналістаў

Беларуская асацыяцыя журналістаў звярнулася да міжнароднай грамадскасці з заклікам патрабаваць ад уладаў Беларусі спыніць пераслед незалежных журналістаў.

Масавыя вобыскі па ўсёй Беларусі пачаліся раніцай 27 сакавіка на кватэрах журналістаў, якія супрацоўнічаюць з "Радыё Рацыя", "Еўрарадыё",  тэлеканалам "Белсат", іншымі СМІ — замежнымі і недзяржаўнымі беларускімі. Падчас вобыскаў у журналістаў канфіскавалі аргтэхніку і розныя носьбіты інфармацыі.

Як лічыць старшыня БАЖ Жанна Літвіна, акцыя КДБ ў дачыненні да журналістаў "скіраваная на тое, каб паставіць бар'ер інфармацыі і запалохаць". "Удар нанеслі ў першую чаргу нашым калегам, якія працуюць на незалежныя СМІ: радыёстанцыі, тэлеканал "Белсат", — цытуе Ж.Літвіну прэс-служба БАЖ. На думку кіраўнічкі асацыяцыі, "акцыя, безумоўна, была спланаваная і, магчыма, выклікана эмацыйнай рэакцыяй на асвятленне СМІ падзеяў 25 сакавіка ў Мінску. Напэўна, журналісты, якія сёння зазнаюць рэпрэсіі, найбольш прафесійна асвятлялі Дзень волі", — заявіла Жанна Літвіна.

Апошнія навіны

Галоўнае

Выбар рэдакцыі