Вы тут

Барак Абама напісаў амерыканцам развітальны ліст

Фота: АР

Барак Абама напісаў амерыканцам развітальны ліст. 20 студзеня прэзідэнт ЗША сыходзіць са сваёй пасады, адбудзецца інаўгурацыя абранага 45-га прэзідэнта Злучаных Штатаў Дональда Трампа.

У лісце, тэкст якога змешчаны на сайце Белага дома, адзначаецца, што, дзякуючы амерыканцам, Абама стаў лепшым, і як прэзідэнт, і як чалавек. "Амерыка — гэта не праект нейкага аднаго чалавека, — піша Барак Абама. — Самае магутнае слова ў нашай дэмакратыі — гэта слова "мы". Ён заклікаў суайчыннікаў да грамадскай актыўнасці і паабяцаў іх у гэтым падтрымліваць ужо ў якасці шэраговага грамадзяніна.

Як вядома, Абама — прадстаўнік Дэмакратычнай партыі, займаў пасаду прэзідэнта ЗША два чатырохгадовыя тэрміны. Трамп — прадстаўнік Рэспубліканскай партыі.