Балгарыя палягчае візавы рэжым для грамадзян Беларусі
Цяпер можна будзе атрымаць гадавую і двухразовую візу, калі раней ужо была аднаразовая.
Акрамя грамадзян Беларусі, змены закрануць грамадзян Расіі, Украіны, Казахстана, Арменіі і Грузіі, паведамляе партал “Балгарская праўда”.
Адпаведнае рашэнне было прынята міністрам па турызме Нікалінай Ангелкавай і кіраўніком МУС Даніэлем Мітавым падчас сустрэчы ў Міністэрстве па турызме.
Змены прадугледжваюць выдачу кароткатэрміновых двухразовых або шматразовых віз з мэтай “арганізаванага турызма”, з тэрмінам дзеяння да 1 года тым грамадзянам, якія раней ужо мелі балгарскія візы.
Пасля увядзення абмежаванняў у Крыме Балгарыя стала яшчэ больш прывабнай для беларусаў. На сёння гэта адзін з самых танных спосабаў адпачыць на марскім узбярэжжы.
