Авіякампаніям Расіі рэкамендавалі ўзмоцненую бяспеку пры палётах у 47 краін

Расійскім авіякампаніям рэкамендавалі ўзмацніць меры бяспекі пры палётах у 47 краін. Пра гэта паведамляе interfax.ru са спасылкай на крыніцу ў адной з авіякампаній.

Павышаныя меры бяспекі рэкамендаваныя пры ўсіх рэгулярных транзітных і чартэрных рэйсах з пасажырамі на борце ў аэрапорты краін Еўрасаюза, ЗША, а таксама папулярных сярод расійскіх турыстаў напрамкаў. У гэты спіс увайшлі таксама некаторыя краіны СНД — напрыклад, Казахстан, Кыргызстан, Малдова.

Паведамляецца, што авіякампаніям рэкамендавана лятаць з запасамі сухога харчавання і пітной вады.

Нагадаем, ФСБ Расіі паведаміла, што катастрофа з расійскім лайнерам А321 ў Егіпце 31 кастрычніка адбылася ў выніку тэракту. Пры гэтым загінулі ўсе 224 чалавекі, якія былі на борце авіялайнера.

Фота: ТАСС