Вы тут

Асуджаны майстар, які зліў у каналізацыю 1,6 тоны паўфабрыката каньяку

Майстар не праверыў, ці завяршыўся разліў прадукцыі з рэзервуараў / Ілюстрацыйнае фота pixabay.com

У Мінску асуджаны майстар, які выпадкова зліў у каналізацыю 1,6 тоны паўфабрыката каньяку. Мужчына атрымаў 4 гады абмежавання волі без накіравання ў папраўчую ўстанову адкрытага тыпу.

Як паведамляе court.gov.by, крымінальную справу разглядаў суд Ленінскага раёна. Абвінавачаны працаваў майстрам участка разліву алкагольнай прадукцыі прадпрыемства "Мінск Крышталь". Здарэнне адбылося ў красавіку мінулага года. Майстар не праверыў, ці завяршыўся разліў прадукцыі (паўфабрыката каньяку) з рэзервуараў. У выніку праз адкрытыя краны яна і трапіла ў каналізацыю. Шкоду ацанілі на 34 тысячы рублёў.

Суд прызнаў мужчыну вінаватым у "неналежным выкананні службовай асобай сваіх службовых абавязкаў з прычыны нядобрасумленнага і нядбайнага стаўлення да службы, што пацягнула па неасцярожнасці іншыя цяжкія наступствы". Акрамя хатняй "хіміі", майстар на тры гады пазбаўлены права займаць кіруючыя пасады. Ён мусіць кампенсаваць прадпрыемству шкоду.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.