Арына Сабаленка ўзначаліла чэмпіёнскую гонку WTA
![Арына Сабаленка / eurosport.com](/sites/default/files/styles/gallery_main/public/2023-08/sabalenka-0102.jpg.webp?itok=e3Mzr7bV)
Арына Сабаленка / eurosport.com
Беларуская тэнісістка Арына Сабаленка пасля перамогі на Адкрытым чэмпіянаце Аўстраліі ўзначаліла спіс чэмпіёнскай гонкі WTA, паведамляе НАК Беларусі.
У гэтым рэйтынгу Сабаленка мае 2470 ачкоў і займае першае месца. На другім месцы ідзе прадстаўніца Казахстана Алена Рыбакіна, у якой 1356 ачкоў. Беларуска Вікторыя Азаранка, якая мае 881 ачко, займае трэцяе месца.
Чэмпіёнская гонка адрозніваецца ад звычайнага рэйтынгу WTA тым, што вядзецца толькі па назапашвальнай сістэме і толькі па выніках бягучага сезона для выніковага турніру.
У сусветным рэйтынгу WTA Сабаленка займае другое месца. На першай пазіцыі — польская тэнісістка Іга Свёнтак.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.