Вы тут

Апытанне платформы "Голас": хто лічыць Каардынацыйную раду сваім прадстаўніком?

  

На платформе "Голас" да 22 верасня ладзіцца ананімнае апытанне тых, хто лічыць Каардынацыйную раду сваім прадстаўніком. Гэта неабходна для прызнання КР у дыялогу з уладамі. 

"Відавочна, што Беларусь апынулася ў палітычным крызісе. Адзіны выхад з сітуацыі — дыялог. КР стваралася з ініцыятывы Святланы Ціханоўскай для вырашэння крызісу і арганізацыі гэтага дыялогу", — тлумачаць ініцыятары апытання.

Яны прапануюць пацвердзіць паўнамоцтвы Каардынацыйнай рады лдя перамоваў. КР будзе дамагацца, каб улады выканалі наступныя патрабаванні

— вызваліць палітвязняў, спыніць рэпрэсіі;

— прыцягнуць да адказнасці вінаватых у забойствах і гвалце;

— правесьці новыя сумленныя выбары.

На сёння частка сяброў прэзідыўму КР знаходзіцца за кратамі, іншая частка — выціснутая ў замежжа. На волі і ў Беларусі знаходзіцца толькі нобелеўская лаўрэатка па літаратуры Святлана Алексіевіч. Аднак КР дзейнічае асноўным складам — гэта каля 70 чалавек. Ёсць таксама пашыраны склад — каля 5000 чалавек.

Апытанне праходзіць па гэтай спасылцы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.