Анансаваны выхад працягу "Шэрлака Холмса"

Працяг "Шэрлака Холмса" Гая Рычы выйдзе ў пракат 16 снежня 2011 года.
Пра гэта паведамляецца ў блогу HeatVision, у распараджэнні якога апынулася інфармацыя пра выйсце новых кінастужак кампаніі Warner Bros.

Дэталі сюжэту новай карціны пакуль не выдаюцца, аднак вядома, што Шэрлаку Холмсу ў другой частцы давядзецца сустрэцца з прафесарам Марыарці. Хто будзе выконваць ролю прафесара, дагэтуль невядома - чуткі пра ўдзел Брэда Піта, якія з'яўляліся раней, пакуль пацверджаны не былі.

Першы фільм пра Шэрлака Холмса сабраў у сусветным пракаце больш за 516 мільёнаў долараў. Сюжэт карціны пабудаваны не на класічных творах Артура Конан Дойла, а на графічных навэлах Лаянэла Уігрэма.

Паведамляецца, што ў новым фільме апроч Джуда Лоў ў ролі доктара Ватсана і Роберта Даўні-малодшага ў ролі Шэрлака Холмса зноў возме ўдзел Рэйчэл Макадамс, якая выканае пакаханку вядомага шпіка Ірэн Адлер.

Апроч даты выйсця другой часткі "Шэрлака Холмса" HeatVision удакладніў даты выйсця некаторых іншых фільмаў. Так, другая частка камедыі "Мальчышнік у Вегасе" выйдзе на экраны 26 траўня 2011 года, а "Зялёны ліхтар" у 3D фармаце - 17 чэрвеня.

Фота: plattitudes.wordpress.com