Амерыканская выведка лічыць, што Кітай ухваліў пастаўкі зброі Расіі
На Захадзе занепакоеныя, што РФ можа атрымаць падтрымку КНР / Ілюстрацыйнае фота pixabay.com
Амерыканская выведка лічыць, што Кітай ухваліў пастаўкі зброі Расіі. Пра гэта піша The Washington Post са спасылкай на дакументы Пентагона ад лютага 2023-га, якія трапілі ў інтэрнэт. Выведка ЗША перахапіла паведамленне Службы знешняй выведкі РФ. У ім і была згадка пра ўхваленне кітайскім кіраўніцтвам "дадатковых паставак" зброі ў Расію.
Выданне адзначае, што Кітай хацеў захаваць гэтыя пастаўкі ў таямніцы. Па адной з версій, іх планавалася адпраўляць пад выглядам тавараў грамадзянскага прызначэння.
Аднак крыніцы The Washington Post у адміністрацыі прэзідэнта і міністэрстве абароны паведамілі, што ЗША не маюць доказаў кітайскіх паставак зброі ў Расію.
