Амбасадар Сурыкаў: Расія можа даць крэдыт Беларусі, калі ён пойдзе на інтэграцыю

У інтэрв'ю агенцтву БелаПАН расійскі амбасадар у Мінску Аляксандр Сурыкаў выказаў меркаванне, што Беларусь можа атрымаць крэдыт на мадэрнізацыю інтэграцыйных праектаў. У іншым разе грошы атрымаць будзе складана.

Пры гэтым Сурыкаў удакладняе, што варыянты выдачы крэдыту Беларусі могуць быць рознымі — на міждзяржаўным узроўні ці па лініі банкаў.

Таксама дыпламат кажа, што сумесныя праекты, на якія можа быць вылучаны крэдыт, расійскі бок ужо ўхваліў. Гэта стварэнне сумеснага прадпрыемства на базе МАЗа і КАМАЗа, праекты з удзелам Мінскага заводу колавых цягачоў, "Гродна Азоту", "Інтэграла".

Фота — bymedia.net