Амаль мільён долараў вылучыць Беларусь на барацьбу з каранавірусам
![Амаль мільён долараў вылучыць Беларусь на барацьбу з каранавірусам](/sites/default/files/styles/gallery_main/public/2023-08/biudzet-2303.jpg.webp?itok=RGBgWhST)
Урад Беларусі даручыў Міністэрству фінансаў вылучыць у 2020 годзе з бюджэту 2 351 413 рублі (каля 1 мільёна долараў) на папярэджанне завозу і распаўсюду каранавіруса, паведамляецца на сайце Саўміна. Гэтыя грошы будуць вылучаныя з бюджэтных сродкаў, прадугледжаных на фінансаванне выдаткаў, звязаных са стыхійнымі бедствамі, аварыямі і катастрофамі.
Міністэрства аховы здароўя павінна атрымаць з гэтай сумы 1 574 120 рублёў, у тым ліку для Рэспубліканскага навукова-практычнага цэнтра эпідэміялогіі і мікрабіялогіі — 450 120 рублёў.
Яшчэ 143 183 рублі будзе вылучана Віцебскай вобласці ў выглядзе міжбюджэтнага трансферту. А Мінск атрымае 634 110 рублёў.
Паводле звестак на 21 сакавіка, у Беларусі было зарэгістравана 76 выпадкаў заражэння каранавірусам, 15 з іх вылечыліся і былі выпісаныя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.