Аляксандр Мілінкевіч едзе на аперацыю ў Польшчу

Аперацыя чакае лідэра руху “За свабоду” Аляксандра Мілінкевіча. Польскія лекары выдаляць камень з нырак. “Далей ужо цягнуць нельга. На наступным тыдні кладуся ў бальніцу”, — сказаў Мілінкевіч у інтэрв’ю “Салідарнасці”.

Паводле словаў палітыка, выбар на карысць польскай клінікі ён зрабіў з-за таго, што там лепшая тэхніка і “выдатны прафесар”, яго стары прыяцель і кансультант.