Аляксандр Глеб распавёў, як у яго камандзе б'юць за нецэнзурную лаянку
Паўабаронца турэцкага "Коньяспора" і зборнай Беларусі ў гутарцы з "Прессболом" прыгадаў незвычайную традыцыю ў яго клубе.
Паводле слоў Аляксандра Глеба, капітан каманды дае аплявуху маладым гульцам, якія ўжываюць нецэнзурную лаянку.
"А калі правініліся два ці тры чалавекі, яны б'юць адзін аднаго, — цытуе словы Глеба "Прессбол". — ...Даўно так не смяяўся — уявіў сабе беларускую моладзь у падобнай сітуацыі. Хоць, кажуць, у іншых турэцкіх камандах ёсць звычаі і горшыя".
Футбаліст лічыць традыцыю "Коньяспора" "пацешнай".
