Алесь Міхалевіч — у СІЗА, але справа яго жыве
Сёння ў Мінску адбудзецца паседжанне савета саюза "За мадэрнізацыю". Кіраўнік саюза Алесь Міхалевіч з паважлівай прычыны ўдзельнічаць у паседжанні не зможа.
Як паведамляе прэс-служба арганізацыі, у сувязі з тым, што кіраўнік саюза экс-кандыдат Алесь Міхалевіч знаходзіцца ў СІЗА КДБ, плануецца правесці паседжанне ў пашыраным складзе. У ім возьмуць удзел сябры савета саюза Канстанцін Лукашаў і Віктар Яўмененка, кіраўнік перадвыбарнага штаба Алеся Міхалевіча Ігар Драко, а таксама яшчэ больш за дзесятак актыўных прыхільнікаў.
