Akute вязуць новыя песні ў Літву, Латвію і Польшчу

Магілёўскі гурт Akute упершыню сыграе сольнік у Вільні і дасць канцэрты ў Латвіі і Варшаве. Балтыйскі міні-тур калектыву пачнецца 3 кастрычніка з канцэрта ў літоўскай сталіцы. Потым музыкі сыграюць некалькі канцэртаў у Латвіі. 19 кастрычніка адбудзецца першы выступ Akute ў Варшаве.

"Міні-тур дапаможа нам падрыхтавацца да вялікага канцэрта ў мінскім клубе Re:Public, які адбудзецца 16 лістапада. У межах гэтых выступаў плануем спрабаваць зусім новыя песні і тэхнічныя моманты, якія потым можна будзе пачуць і ў Мінску", – распавядае бас-гітарыст гурта Раман Жыгараў.

Цяпер Akute працуюць над трэцім студыйным альбомам. Папярэдні паўнафарматнік "Не існуе" выйшаў у красавіку 2012. Яго поспех дапамог калектыву атрымаць адразу чатыры ўзнагароды "Гурт года" – па версіях прэміі Еўрарадыё "Даём рады", Tuzin.fm і іншых музычных сайтаў.

Расклад туру:

3 кастрычніка – Вільня, Pogo Bar – 21.00

4 кастрычніка – Рыга, Nabaklab – 21.00

5 кастрычніка – Ліепая, Fountain Palace – 23.00

19 кастрычніка – Варшава, Centralny Dom Qultury – 21.00