Адвакатку выгналі з маскоўскага СІЗА за сэкс з падабаронным
Маладую адвакатку і яе падабароннага злодзея-рэцыдывіста заспелі ў маскоўскім следчым ізалятары падчас любошчаў.
Пра гэта паведамляе interfax.by са спасылкай на крыніцу ў праваахоўных органах. Мужчына быў арыштаваны па падазрэнні ў рабаванні. Жанчына з'яўляецца адвакаткай Маскоўскай абласной калегіі адвакатаў. Яе падабаронны раней ужо прыцягваўся да крымінальнай адказнасці.
Партнёры — маладыя людзі ва ўзросце да 30 гадоў.
Расійскае заканадаўства не прадугледжвае пакарання за такія дзеянні. Аднак праваахоўнікі паабяцалі накіраваць адпаведнае апавяшчэнне ў калегію адвакатаў, каб да жанчыны прынялі выхаваўчыя меры.
Дарэчы, падобны выпадак любоўнай сувязі арыштанта з жанчынай-следчым лёг у аснову расійскага мастацкага фільма "Турэмны раманс".
Фота — ria.ru