Адвакатка Баўмгертнера раней абараняла Лябедзьку і Класкоўскага
Ірына Бурак была абаронцай палітвязняў Аляксандра Класкоўскага-малодшага і Анатоля Лябедзькі пасля Плошчы-2010.
У КДБ Беларусі прайшлі першыя следчыя дзеянні з гендырэктарам "Уралкалія" Уладзіславам Баўмгертнерам.
Як піша "Народная Воля" са спасылкай на Lifenews, пра будучы допыт расійскага бізнэсоўца паведамілі толькі беларускай адвакатцы Ірыне Бурак. Тым не менш, ніхто з абаронцаў пакуль не дапушчаны да кліента — усім юрыстам было адмоўлена ў сувязі з тым, што следчы "на выездзе".
Разам з адвакатамі ў Беларусь прыбыла і маці Баўмгертнера. Ад яе таксама паступіла хадайніцтва пра спатканне з сынам, але і яно пакуль застаецца без адказу.
Фота — newspeak.by
