Адвакатцы Някляева так і не ўдалося сустрэцца з падабаронным
Тамара Сідарэнка, якая абараняе правы Уладзіміра Някляева, 23 снежня зноў не ўдалося пабачыцца са сваім падабаронным. Нагадаем, кандыдат у прэзідэнты знаходзіцца ў СІЗА КДБ. Па словах адваката, ёй чарговы раз паведамілі, што для сустрэчы з Някляевым няма вольнага кабінета. Сідарэнка спадзяецца, што ёй удасца пабачыцца з палітыкам заўтра, 24 снежня.
