Адвакат Тоўсцік: Адмовы абараняць Халіп з майго боку ніколі не было

Адвакат Уладзімір Тоўсцік, якога Мінюст пазбавіў ліцэнзіі за адмову абараняць Ірыну Халіп, будзе абскарджваць гэтае рашэнне ў судовым парадку. З такім рашэннем ён не згодны і лічыць, што яно не мае пад сабой ніякіх падставаў.

Тоўсцік: "Адмовы з майго боку абараняць Ірыну Халіп ніколі не было, і быць не магло. Яна напісала ўласнаручна заяву, пры гэтым мяне, як належыць па дзеючым заканадаўстве, не выклікалі, каб прыняць адмову ва ўсталяваным парадку ў маёй прысутнасці. Запрасілі дзяжурнага адваката. Мяне праінфармавалі заднім чыслом. Адмова, наколькі мне вядома, не буду казаць аб крыніцах, была вымушаная".

Па гэтым факце Тоўсцік падаў скаргу ў Генеральную пракуратуру.