Адбыўся выбух на Крымскім мосце. Два пралёты апынуліся ў вадзе

Выбух на Крымскім мосце і яго наступствы

Уночы на 8 кастрычніка адбыўся выбух на Крымскім мосце. Два пралёты моста абрынуліся і апынуліся ў вадзе. Пашкоджаная і чыгунка.

Пакуль складана сказаць, што дакладна адбылося. Украіна здарэнне яшчэ не пракаментавала.

У расійскіх медыях спярша з'явілася версія пра выбух цыстэрны з палівам (цягнік з цыстэрнай, якая гарыць, сапраўды бачна на фота). Але пазней там пачалі разганяць версію пра тэракт — падрыў аўтамабіля на ўездзе на арку моста.

Найхутчэй, адна аўтамабільная нітка Крымскага моста ацалела. Тым не менш, акупацыйныя ўлады Крыма сёння запускаюць паміж паўвостравам і расійскім горадам Керч паромную пераправу.

У Расіі "па факце падрыва грузавога аўтамабіля на Крымскім мосце" пачатая крымінальная справа.

Последствия взрыва на Крымском мосту
Наступствы выбуху на Крымскім мосце

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.