Ад "перапаўнення гонару" Ганчарэнкі да "сораму і прабачэння" Ермаковіча

2008/2009 Рэал-БАТЭ 2: 0 (1: 0) 

Віктар Ганчарэнка: Не адмаўляю, што ў хлопцаў цалкам адсутнічала хваляванне. Усе яны — жывыя людзі. Але нашу нясмеласць растлумачыў бы празмерна пачцівым стаўленнем да знакамітаму саперніка. Хацелася б, каб каманда дзейнічала больш агрэсіўна і аказвала больш годнае супраціўленне. Нягледзячы на тое, што сапернічалі з "Рэалам", прайграваць не хацелася нават яму. Таму поўнага задавальнення ад гульні з іспанскім суперклубам быць не можа. Упэўнены, па ходзе групавога турніру мы будзем дадаваць і яшчэ пашчыпаем сапернікам нервы.

Трэнер "Рэала" Бернд Шустэр пра БАТЭ: Вядома, нам хацелася забіць больш, чым два галы. Але і лік 2: 0 мяне цалкам задавальняе. Другую частку першага тайма мы правялі не так актыўна, як хацелася. Затое пасля перапынку каманда павялічыла хуткасць. Мы зрабілі гэта з пэўнай асцярогай, бо ведалі, наколькі востра контратакуе сапернік. А любой нашай памылкай беларусы маглі скарыстацца, як гэта яны рабілі ў кваліфікацыйных матчах. Варта было прапусціць гол у адказ, і давялося б усё пачынаць спачатку. А гэта не так проста псіхалагічна. З часам мы выявілі, што БАТЭ ніяк не адрэагаваў на ажыўленне гульні з нашага боку. Таму трывог не было ніякіх.

2011/2012 Вікторыя-БАТЭ 1: 1 (1: 0) 

Віктар Ганчарэнка: Вынік матча, на мой погляд, заканамерны і цалкам адпавядае таму, што адбывалася на полі. Улічваючы, што мы апынуліся ў ролі тых, хто прайграе, то станоўчыя эмоцыі ўсё ж пераважваюць адмоўныя. Аддаваць "Вікторыі" ініцыятыву мы не планавалі. Больш за тое, разлічвалі на тое, што самі будзем навязваць саперніку сваю волю. Але гэта футбол.

Трэнер "Вікторыі" Павел Врба пра БАТЭ: БАТЭ нічым нас не здзівіў. Думаю, мы добра падрыхтаваліся да гульні з ім. БАТЭ змог выкарыстаць адзіны свой шанец... Не ведаю, як яны рыхтаваліся. Але беларуская каманда вельмі адказна паставілася да гэтага матча... Мне спадабалася гульня Багі, а таксама Кежмана, які выглядаў вельмі добра. У чэмпіянаце Чэхіі, думаю, БАТЭ быў бы сярод лідараў.

2012/2013 Ліль-БАТЭ 1: 3 (0: 3) 

Віктар Ганчарэнка: Мы дабіліся гістарычнай перамогі. Мяне перапаўняе гонар за каманду. Першы тайм атрымаўся для нас ідэальным. З самага пачатку мы паказвалі высокі ўзровень гульні. У нас атрымліваўся хуткі пераход ад абароны да атакі, а таксама выхад з-пад прэсінгу саперніка. Мы і сапраўды выдатна глядзеліся ў першым тайме. Такі лік пасля першага тайма мне не мог нават прысніцца. Затое гульня нашай каманды для мяне не стала нечаканасцю. Не ведаю, ці была недаацэнка (з боку саперніка — заўв. Еўрарадыё), але дакладна ведаю, што ў нас дастаткова класу, каб паказваць гульню таго ўзроўню, які мы прадэманстравалі сёння. Паверце, гэта не выпадковасць, а заканамерны вынік штодзённай карпатлівай працы.

Трэнер "Ліля" Рудзі Гарсія: БАТЭ быў вельмі эфектыўны і выйграваў большасць адзінаборстваў, у тым ліку, паветраных. Лічу, першы тайм быў для нас няшчасным выпадкам. Цяпер неабходна шукаць рашэнне праблем. А ў перапынку я папрасіў падапечных ўзгадаць, што яны гуляюць дома, і паказаць іншы твар перад заўзятарамі. Мы здолелі забіць — гэта добра. Беларускі клуб адкрыў лік першым жа ударам. Мы ведалі, што БАТЭ добра гуляе ў гасцях. Гэта тэхнічная і хуткая каманда, перш за ўсё, пры контратаках.

2014/2015 Порту-БАТЭ 6: 0 (3: 0) 

Аляксандр Ермаковіч: Калі шчыра, асабліва казаць няма пра што. Лік красамоўны. Мы вельмі сур'ёзна настройваліся даць бой. Але, на жаль, па шэрагу прычын нам гэта зрабіць не ўдалося. Проста апынуліся не гатовыя да такога супраціўлення. Хочацца папрасіць прабачэння ў нашых балельшчыкаў. За гэтую гульню сорамна. З-за сваіх памылак мы прапусцілі не толькі першы мяч, але і яшчэ некалькі. На жаль, узровень Лігі чэмпіёнаў такі, што за любы промах каманды калібру "Порту" караюць. Так і адбылося сёння: за памылкі паплаціліся. У хатніх матчах ў нас павінна разгуляцца самалюбства.

Трэнер "Порту" Хулен Лапетэгі: Мы правялі добры матч. Вельмі добра пачалі, гулялі з максімальнай канцэнтрацыяй. Ну а пасля хуткага гола мы канчаткова асвоіліся. Мы вельмі рады. Хлопцы добра папрацавалі, але гэта толькі тры ачкі. Увогуле, мы шчаслівыя, але гэта проста адна перамога.