2,5 тысячы інтэрнэт-крамаў прайшлі перарэгістрацыю

У Беларусі перарэгістрацыю прайшлі 2,5 тысячы інтэрнэт-крамаў. Пра гэта паведаміла намесніца міністра гандлю Беларусі Ірына Наркевіч. Па яе словах, якія перадае БЕЛТА, у гандлёвым рэестры было заяўлена каля 3 тысяч аб'ектаў. Пры перарэгістрацыі высветлілася, што паўтысячы з іх не працуюць.

Сам працэс рэгістрацыі інтэрнэт-крамы досыць просты. Яна ажыццяўляецца бясплатна па заяўным прынцыпе на працягу аднаго працоўнага дня з дня падачы заявы.