23:49 Украіна: працягваюцца мітынгі і пачынаецца кампанія “Раду геть!"

Праціўнікі роспуску Вярхоўнай Рады ва Украіне – а гэта кааліцыя Партыі Рэгіёнаў, сацыялістаў і камуністаў – адмянілі ў панядзелак абяцаны шматтысячны мітынг. Афіцыйная прычына адмены — дождж, неафіцыйная — недахоп людзей.

Віктар Януковіч паабяцаў, што больш за 15 тысячаў людзей збярэцца сёння на Майдане Незалежнасці.

Апазіцыя, якая падтрымлівае прэзідэнта Юшчанку, таксама плануе масавыя акцыі салідарнасці з кіраўніком краіны, але пакуль абвясціла пра пачатак у сераду бестэрміновай акцыі “Раду геть!”.