20:08 За паленне ў пад’ездах жылых дамоў будуць штрафаваць

Такое рашэнне прыняла адміністрацыя Заводскага раёна сталіцы.
Яно абгрунтоўваецца шкодным уплывам цыгарэтнага дыму на здароўе людзей і неабходнасцю захоўваць супрацьпажарную бяспеку.

Калі ў пад’ездзе чалавека зловяць з цыгарэтай у зубах, яго аштрафуюць на 31 тысячу рублёў. У адпаведнасці з законам, скласці адміністрацыйны пратакол на курыльшчыка мае права не толькі міліцыянт, але і майстар з ЖЭСа, адзначае «Комсомольская правда в Беларуси».