20:07 Беларусам паабяцалі заробкі па 340 долараў
За год нашы прыбыткі павінны
павялічыцца на 28 долараў. Па словах намесніка міністра эканомікі Андрэя Тура,
заробкі беларусаў саступаюць толькі казахскім і расійскім.
Але затое пенсіі ў
нас самыя высокія сярод краін садружнасці. Больш за ўсіх летась зараблялі
мінчукі — 350 долараў у месяц, самыя маленькія заробкі адзначаны ў жыхароў
Брэста — 244 долары.
Пры гэтым зарплату менш за 200 умоўных адзінак плаціць
кожнае чацвёртае беларускае прадпрыемства. Цяжэй за ўсё прыходзіцца працаўнікам
сельскай гаспадаркі — яны ў сярэднім атрымліваюць 172 долары за месяц.
Каб нафтавікам не было занадта няёмка з-за розніцы ў прыбытках перад вяскоўцамі, у краіне рыхтуецца дакумент, які будзе рэгуляваць узровень зарплаты на прадпрыемствах натуральных манаполій.
