19:46 Віцебчукам паказалі эратычную камедыю
У віцебскім
Нацыянальным акадэмічным тэатры імя Якуба Коласа адбылася прэм’ера эратычнай
камедыі “Псіхааналітык для псіхааналітыка”. Спектакль паставіў Сяргей
Кулікоўскі па п’есе Дзіяны Балыка.
Аўтарка не толькі драматург, але і
практыкуючы псіхолаг. У п’есе яна расказала сапраўдныя гісторыі са сваёй
практыкі пра каханне, адзіноту, непаразуменне і жаданне людзей быць шчаслівымі.
Нягледзячы на тое, што ў эратычнай камедыі распавядаецца пра сэкс амаль
ненарматыўнай лексікай, атрымалася яна на дзіва цнатлівай.
Ва ўсялякім разе,
стрыптызу “ў чыстым выглядзе”
гледачам не паказалі, сцвярджае нашая карэспандэнтка Ядвіга Сташэўская.
