18:55 Амаль кілаграм псіхатропнага рэчыва знайшлі днямі ашмянскія мытнікі

Амаль кілаграм псіхатропнага рэчыва амфетамін знайшлі днямі ашмянскія мытнікі на памежным пункце пропуску Каменны Лог у аўтамабілі “Мазда”, што ехаў з Літвы. Забароненыя прыпараты ўвозілі два грамадзяніна Беларусі. Рэчыва, расфасаванае па шасці пакунках, было схаванае за абшыўкай багажніка і пад прыборнай панэллю. Кошт такой колькасці амфетаміну складае на ценявым рынку, па папярэдніх падліках, каля 40 тысяч долараў.

Машыну і псіхатропныя рэчывы мытнікі затрымалі. Перавозчыкі знаходзяцца ў ізалятары часовага ўтрымання - супраць іх распачатая крымінальная справа.

Зміцер Панямонаў, Еўрарадыё, Маладзечна