18:34 Віктар Каліна адпушчаны пад падпіску аб нявыездзе
Вядомаму
выканаўцу Віктару Каліну і яго жонцы Святлане зменена мера стрымання.
Як
паведамілі у Міністэрстве ўнутраных спраў Беларусі, у сераду спявак адпушчаны
са следчага ізалятара пад падпіску аб нявыездзе, яго жонка — пад заклад.
Абвінавачанне ў махлярстве было прад'яўлена Каліне 5 студзеня. У той жа дзень
яго арыштавалі. 27 снежня ў Мінску была затрымана, а потым арыштавана яго жонка
Святлана.
Яе затрымалі ў банку пры спробе незаконнага атрымання страхавой сумы
ў памеры больш чым 71 млн рублёў у сувязі з нібыта выкраданнем у Маскве машыны,
застрахаванай на 34 тыс. долараў.
Аўтамабіль "Мерседэс", які згодна з
заявай Святланы Каліны быў выкрадзены, на самай справе быў прададзены, лічаць
праваахоўныя органы. Сам спявак лічыць справу сфабрыкаванай.
