16:30 Сідорскі прадасць прадпрыемствы за вялікія грошы
Эфектыўныя дзяржпрадпрыемствы будуць прадавацца па рэальным кошце, а не
«за капейкі». Такую заяву зрабіў прэм’ер-міністр Беларусі Сяргей Сідорскі.
Нагадаем, што ўчора расійская прэса паведаміла пра планы беларускага ўраду па
прыватызацыі найбуйнейшых прадпрыемстваў краіны. Беларускія афіцыйныя асобы
выступілі з каментарамі толькі сёння.
Паводле словаў Сідорскага, урад
разгледзіць пытанне продажу бабруйскай «Белшыны», папярэдні кошт якой
ацэньваецца ў адзін мільярд долараў. Пра іншыя прадпрыемствы прэм’ер прамаўчаў.