11:13 У медвыцвярэзніках пройдуць трэніроўкі
Супрацоўнікі медычных выцвярэзнікаў Беларусі сёння правядуць
паказальную трэніроўку па прадухіленні надзвычайных сітуацый у
медвыцвярэзніках. Пра гэта паведамілі ў Міністэрстве ўнутраных спраў Беларусі.
Трэніроўка пройдзе ў межах навучальна-метадычнага збору, прысвечанага пытанням
удасканалення службовай дзейнасці медвыцвярэзнікаў. Таксама будуць абмеркаваныя
праблемы дзейнасці гэтых устаноў і пытанні павышэння прафесійных навыкаў іх
кіраўнікоў і супрацоўнікаў.
Падчас збораў міліцыянты будуць вывучаць новыя
формы і метады арганізацыі працы медычных выцвярэзнікаў і абмяняюцца перадавым
доследам па пытаннях выкарыстання сістэм відэаназірання, а таксама ўкараненні
распрацаванага адмысловага крэсла для агрэсіўных кліентаў, паведамляе
“Інтэрфакс”.