З'явілася відэа моманту, калі ў Генуі абрынуўся мост

З'явілася відэа моманту, калі 14 жніўня ў Генуі абрынуўся 200-метровы ўчастак аўтамабільнага моста. З 50-метровай вышыні падалі аўтамабілі з людзьмі, а знізу былі будынкі, у тым ліку і жылыя. Ратавальнікі разбіралі завалы. Колькасць ахвяраў складае больш за 30 чалавек.

Улады Італіі называюць прычынай трагедыі недахопы ў бягучым абслугоўванні моста. Вядома, што ён быў пабудаваны ў 1960-я гады, яго неаднаразова рамантавалі.

Аляксандр Лукашэнка выказаў спачуванні прэзідэнту Італіі Серджыё Матарэлэ ў сувязі з трагедыяй у Генуі.