Зяленскі, кароль Іарданіі і сябры Пуціна: новая маштабная ўцечка з афшораў

У Pandora Papers ёсць інфармацыя, што яго сям'я "прыхавала" маёмасці на суму больш за 300 мільёнаў долараў. У тым ліку — 85-метровую яхту і прасторную вілу на курорце Марбелья ў Іспаніі. Усё, вядома ж, запісана не на самога Чэмезава, а на яго падчарку.

Канстанцін Эрнст — кіраўнік расійскага "Першага канала". Менавіта яму ў свой час даверылі арганізаваць цырымонію адкрыцця Алімпіяды ў Сочы. Па супадзенні, тады ж на Брытанскіх Віргінскіх астравах была зарэгістраваная Moscow Dvorik Ltd, а праз восем месяцаў — Haldis Corporation. Менавіта "юныя" афшорныя кампаніі Эрнста прымаюць удзел у маштабным праекце па зносе савецкіх кінатэатраў у Маскве, на месцы якіх будуюцца гандлёвыя цэнтры. Як пішуць "Важныя гісторыі", расійскі тэлебос "стаў не проста багатым, а казачна багатым чалавекам". Самі ведаеце, колькі каштуе не толькі нерухомасць, але і зямля ў Маскве.

Загадкавая "сяброўка Пуціна" Святлана Крываногіх стала вядомай у 2020-м, пасля таго, як журналісты распавялі, што ён з'яўляецца бацькам яе дачкі. Вядома ж, знайшоўся афшор і ў яе. У спісе маёмасці — кватэра ў Манака, але не толькі. Сёння Крываногіх валодае нерухомасцю ў Маскве і Санкт-Пецярбургу на мільярд расійскіх рублёў. Нядрэнна для той, хто ў свой час падпрацоўваў прыбіральшчыцай.
 

"Афшор-95"

Прэзідэнт Украіны Уладзімір Зяленскі яшчэ падчас выбарчай кампаніі актыўна лаяў алігархаў і разнастайныя спосабы вываду грошай за мяжу. Нядаўна з яго падачы быў прыняты спрэчны закон "Аб алігархах". А тут — на табе: высветлілася, што і ў самога Зяленскі быў афшор на Брытанскіх Віргінскіх выспах.

Пра кампанію Maltex Multicapital Corp Зяленскі ніколі не распавядаў. Афіцыйна ён перастаў ёй валодаць толькі за 2 тыдні да першага тура прэзідэнцкіх выбараў. Сваю долю Зяленскі прадаў сябру Сяргею Шэфіру — сёння ён працуе памочнікам прэзідэнта. Ну а сама Maltex працуе "па профілі": валодае акцыямі кампаній, якія вырабляюць і выпускаюць тэлевізійныя фільмы. Ёсць "на фірме" і дарагая нерухомасць у Еўропе.

Што цікава: краіны, дзе афшор зарабляе большую частку грошай, — Украіна, Расія і Беларусь, адзначае ў расследаванні The Guardian.
 

Домікі для караля

Абдула II бін аль-Хусэйн кіруе Іарданіяй  — краінай, якой пастаянна патрабуецца міжнародная дапамога праз вельмі слабую эканоміку. Але гэта не перашкодзіла яму за час праўлення таемна набыць нерухомасці больш як на 100 мільёнаў долараў.