Зяць у Гарадоцкім раёне пагражаў застрэліць цешчу
![Зяць у Гарадоцкім раёне пагражаў застрэліць цешчу](/sites/default/files/styles/gallery_main/public/2023-08/pistaliet-0801.jpg.webp?itok=t05uzcrZ)
Крымінальную справу за пагрозу забойствам пачаў Следчы камітэт на жыхара адной з вёсак Гарадоцкага раёна, паведамляе прэс-служба УУС Віцебскага аблвыканкама.
Сварка ўзнікла паміж зяцем і цешчай, якія жывуць пад адным дахам. 25-гадовы мужчына для падтрымкі сваіх аргументаў вырашыў выкарыстаць пнеўматычную зброю. Ён дастаў пнеўматычны пісталет і прыгразіў выкарыстаць яго пры неабходнасці.
Гэтыя дзеянні п'янага мужчыны сур'ёзна напалохалі цешчу. Яна напісала заяву ў міліцыю.
Міліцыянты з Гарадоцкага РАУС правялі праверку, па выніках якой Следчы камітэт і пачаў крымінальную справу.