Знайшоўся кіраўнік ініцыятыўнай групы Віктара Цярэшчанкі
![Знайшоўся кіраўнік ініцыятыўнай групы Віктара Цярэшчанкі](/sites/default/files/styles/gallery_main/public/2023-08/ciare64anka-1009.jpg.webp?itok=J8iSJubB)
Знайшоўся кіраўнік ініцыятыўнай групы эканаміста Віктара Цярэшчанкі Алег Несцеркаў. Пра яго знікненне 10 верасня заявілі ў выбарчым штабе палітыка.
"Несцеркаў знайшоўся, я ўчора з ім размаўляў. З ім усё нармальна", — паведаміў агенцтву БелаПАН Сяргей Скрабец, які быў даверанай асобай Цярэшчанкі.
Паводле яго слоў, Несцеркаў не выходзіў на сувязь з паплечнікамі, бо ў яго быў зламаны тэлефон.
Пра знікненне Несцеркава і яго больш як тыднёвую адсутнасць 10 верасня паведаміў Віктар Цярэшчанка. Па яго словах, сувязі з Несцеркавым не было з 28 жніўня — дня, калі прэтэндэнт на прэзідэнцкую пасаду быў шпіталізаваны пасля здарэння ў кавярні. Медыкі казалі, што ў Цярэшчанкі алергічны шок на выпіты маркоўны фрэш. Сам палітык упэўнены, што яго атруцілі.