Знайшлі абітурыента, які выклаў фота заданняў ЦТ па матэматыцы

Камітэт дзяржкантролю Беларусі ў панядзелак заявіў, што знайшлі абітурыента, які выклаў фота заданняў ЦТ па матэматыцы. Яго вынік анулююць.

21 чэрвеня пасля ЦТ па матэматыцы фота з яго заданнямі з'явілася ў адным з телеграм-каналаў (у ім абітурыенты абмяркоўваюць тэставанне). Як вядома, яго здаюць два дні. У Рэспубліканскім інстытуце кантролю ведаў заявілі, што раней падчас ЦТ такіх выпадкаў не было. Спецыялісты супакойвалі, што заданні розныя, таму абітурыенты будуць у роўных умовах.

Высветлілася, што фота было зроблена ў Магілёве. Ануляванне выніку тлумачаць забаронай праносу на ЦТ і выкарыстання мабільнага тэлефона. Былі прынятыя нейкія меры і ў дачыненні арганізацыйнай камісіі па правядзенні тэставання.