Жыхары Брэста дамагліся рамонту дарогі з тысячай ямінаў (фота)
26 чэрвеня пачалася рэканструкцыя праблемнага праезду на вуліцы Ракасоўскага.
Як паведамляла Еўрарадыё, сёлета грамадскія актывісты пачалі кампанію "Тысяча і адна яміна". Было налічана каля 1000 выбоін на дарожным пакрыцці працягласцю ўсяго ў 500 (!) метраў. Актывісты кампаніі “Гавары праўду!” разам з мясцовымі жыхарамі склалі зварот да кіраўніцтва горада.
Па словах каардынатара кампаніі Ігара Маслоўскага, з'яўленне тэхнікі і рабочых — вынік намаганняў сумеснай дзейнасці актывістаў і жыхароў мікрараёна Паўднёвы.
Маслоўскі: "Для вырашэння гэтай праблемы намі было сабрана больш за 1100 подпісаў. Спачатку ўлады ўхіліліся ад вырашэння праблемы, але пасля прадпісання абласнога ДАІ і абскарджвання рашэння гарвыканкаму ў аблвыканкаме мы атрымалі станоўчы адказ, што рэканструкцыя будзе. І вось яна пачалася".
Мясцовыя жыхары збіраюцца яшчэ дамагчыся пабудовы тратуара ўздоўж дарогі.
Фота — "Гавары праўду"
