Жыхар мінскай Серабранкі абрабаваў краму сэканд-хэнд
41-гадовы жыхар мінскай Серабранкі затрыманы за абрабаванне. Праўда, аб’ект, які выбраў зламыснік, не зусім звычайны — гэта крама сэканд-хэнд. Проста пад камерамі відэаназірання мужчына зняў з вешалкі спартовы касцюм і пайшоў да выхаду.
Прадавачка ўбачыла, што пакупнік не збіраецца аплачваць тавар і паспрабавала яго спыніць, аднак зламыснік змог збегчы.
Пазней супрацоўнікі крымінальнага вышуку Ленінскага РУУС затрымалі яго “па гарачых слядах”. У мінулым мужчына меў судзімасці за згвалтаванне і хуліганства, паведамляе ГУУС Мінгарвыканкама.
