Жыхар Мінска задэклараваў даход у 27,9 млн рублёў
Самы вялікі прыбытак за 2016 год, задэклараваны беларусамі, склаў 27,9 млн рублёў (каля $14,1 млн па сённяшнім курсе). Яго задэклараваў жыхар Мінска, імя якога падатковыя ворганы не раскрываюць.
"Другое месца" па даходах займае айцішнікаў і інвестар Віктар Пракапеня, які ў 2016 годзе зарабіў 21,4 млн руб. З гэтай сумы Пракапеня заплаціў 2,7 млн рублёў падаходнага падатку, за што нават атрымаў падзяку ад міністра па падатках і зборах.
Усяго ж падатковыя дэкларацыі сёлета падалі каля 11 тысяч мінчан. У параўнанні з мінулым годам іх колькасць істотна не змянілася, піша БелТА. Грамадзянам прад'яўлена да выплаты больш 26 млн рублёў падаходнага падатку.
У асноўным дэкларацыі падаюцца ў сувязі з атрыманнем даходаў за мяжой (ці з-за мяжы) і ад продажу маёмасці — аўтамабіляў, нерухомасці і г.д.
