"Жартаўнікі" дадалі ў гродзенскі фантан пральны парашок (фота)
!["Жартаўнікі" дадалі ў гродзенскі фантан пральны парашок (фота)](/sites/default/files/styles/gallery_main/public/2023-08/fantan-2707-1.jpg.webp?itok=0_BYMvpD)
Незвычайны выгляд займеў фантан у гродзенскім парку Жылібера напрыканцы мінулага тыдня. Як піша "Вечерний Гродно", нехта дадаў у фантан мыйны сродак. У выніку яго чаша хутка напоўнілася пенай.
У "Гарсвятле" кажуць, што выбіраць пену з фантана давялося каля паўгадзіны. Яе выкідалі проста на траву.
Нявінны з выгляду "жарт" мог дорага абысціся арганізацыі, якая абслугоўвае фантан. Спецыялісты адзначаюць, што мыйны сродак можа вывесці з ладу вузлы і дарагое абсталяванне фантана. А новы рухавік для яго каштуе каля 3,5 тысячы еўра.
"Вечерний Гродно" адзначае, што фантан у парку Жылібера сёлета ўпершыню пацярпеў ад такіх "жартаўнікоў". Раней іх увагу прыцягваў фантан на Савецкай плошчы.
!["Жартаўнікі" дадалі ў гродзенскі фантан пральны парашок (фота)](/sites/default/files/paragraphs/image/fantan-2707-2.jpg)