Замест "Прессбола" — Re:sport

Рэдакцыя спартовага выдання "Прессбол" запусціла новы сайт — resport.by.

"Будзем лічыць, што ў нашым доме рамонт, а пакуль прыйдзецца пажыць на старане. Наш новы адрас — resport.by. Праект новы, але сутнасць ранейшая. Навіны, аналітыка і статыстыка ад каманды Pressball", — гаворыцца ў анонсе.

Як распавядала Еўрарадыё, сайт pressball.by быў заблакаваны беларускімі ўладамі два месяцы таму. Паводле неафіцыйнай інфармацыі, нагодай для блакавання стаў архіўны фатаздымак футбаліста з "чорнага спісу" Міністэрства спорту — Іллі Савіча. Таксама ў чыноўнікаў нібыта ўзніклі пытанні да навін пра лёгкаатлетку-палітуцякачку Крысціну Ціманоўскую.

Амаль два месяцы журналісты "Прессбола" толькі вялі сацсеткі. "Але прыйшла пара вярнуцца да звыклага фармату", — вырашыла рэдакцыя.

Па сваім дызайне новы сайт вельмі падобны да заблакаванага.